رویداد خبري آژانس په افغانستان کې لومړنۍ دیجټلي خبري آژانس
د امريکا د متحدو ايالاتو ولسمشر ډونالډ ټرمپ يو ځل بيا له افغانستانه د خپلو پوځیانو په ايستلو ټينګار وکړ او ويې ويل، ډېر ژر به لوی شمېر امريکايي سرتېري افغانستان پرېږدي.
نوموړي دا خبرې تېره ورځ د ټاکنيزو مبارزو بهير کې په اوهايو ايالت کې خپلو پلويانو ته وکړې.
ټرمپ ټينګار وکړ، چې په افغانستان کې د امريکايي ځواکونو ماموريت نور پای ته رسېدو ته نېږدې شوی دی.
نوموړي هيله څرګنده کړه چې امريکايي ځواکونه به د روان مېلادي کال تر پايه يا د راتلونکي کال په لومړيو کې له افغانستانه بهر شي.
ټرمپ تر دې وړاندې هم ويلي و، چې غواړي د کرسمس تر جشن مخکې ټول امريکايي سرتېري له افغانستانه وباسي.
