رویداد خبري آژانس په افغانستان کې لومړنۍ دیجټلي خبري آژانس
د امریکا په متحده ایالاتونو کې جمهوریت غوښتونکو ګوند یو ځل بیا ډونالډ ټرمپ ولسمشرۍ ته د کاندید په توګه او د ټرمپ برحاله مرستیال مایک پنس د ولسمشر د مرستیال په توګه اعلان کړ.
د وږي ۴ مه (د اګست ۲۵ مه) راپورونه وايي د جمهوریت ګوند له لوري د ټرمپ او پنس ټاکلو څخه وروسته مایک پنس د خپل ګوند د غړو څخه مننه کړې.
ټاکل شوې ده چې د جمهوریت غوښتونکو ګوند غړي د شمالي کارولینا په شارلیټ ښار کې راټول شي او د غونډې ځینې برخې حضورې دي او زیاتې برخې یې په انلاین ډول تنظیم شوې دي.
د جمهوري غوښتونکي ګوند غړي به د امریکا په روانو چارو، کورنیو او بهرنیو تګلارو او نورو مسایلو باندې خپل دریځ بیان کړي.
د امریکا د ولسمشرۍ ټاکنو لپاره هر ځل دوه لوي ګوندونه دیموکرات او جمهوریت غوښتونکي ګوندونه تر ټولو مخکښ وي.
دېموکراتانو جوبایډن د ولسمشرۍ د ټاکنو لپاره خپل کاندید اعلان کړ او کاملا هریس يې مرستیاله کاندیده شوه.
پاتې دې نه وي چې د امریکا د ولسمشرۍ ټاکنې د ۲۰۲۰ کال د نومبر په درېیمه نیټه کیږي.
