رویداد خبري آژانس په افغانستان کې لومړنۍ دیجټلي خبري آژانس
د اوبو او هوا په برخه کې د امریکا د ولسمشر ځانګړي استازي جان کري له سي ان بي سي شبکې سره په مرکه کې ویلي چې په منځني ختیځ کې د ځینې نا حل شویو مسائلو په اړه به امریکا په دغه سیمه کې خپل حضور ته دوام ورکړي.
جان کري زیاته کړې، په سیمه کې ډېری داسې مسائل شته چې تر اوسه پورې حل شوي نه دي او امریکا ته په کار ده چې تر یو څه مودې پورې لا په منځني ختیځ کې خپل یو شمېر سرتېري وساتي.
هغه لا ینحله مسائلو ته له اشارې پرته ویلي چې امریکا به دومره ژر له سیمې څخه په شا نه شي ځکه د ده په خبره، د سولې او ثبات ټینګښت لپاره په سیمه کې د امریکایي سرتېرو حضور اړین دی.
نوموړی دا څرګندونې وروسته تر هغه کوي چې وال سټریټ ژورنال ورځپاڼې په دې وروستیو کې داسې راپور ورکړی دی چې ګوندې بایډن له منځني ختیځ څخه د امریکایي ځواکونو د وتلو پیل لپاره د نظامي تجهیزاتو د ایستلو فرمان صادر کړی دی.
