رویداد خبري آژانس په افغانستان کې لومړنۍ دیجټلي خبري آژانس
د افغانستان د عامې روغتیا وزارت وایي چې په تېرو ۲۴ ساعتونو کې په افغانستان کې د کرونا وبا ۲۳۴ نورې مثبتې پېښې ثبت شوې دي، له دې سره پر یادې ناروغۍ د اخته کسانو شمېر ۵۱ زره او ۵۹۴ ته رسېدلی دی.
د روغتیا وزارت په وینا، په همدې موده کې پر کرونا اخته نهه کسه مړه شوي او ۶۶۲ نور بیا بېرته رغېدلي دي.
د یاد وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر دوه زره او ۱۳۵ ته او د بېرته رغېدلیو هغه بیا ۴۰ زره او ۵۸۲ ته لوړ شوی دی.
د یادونې ده چې نن سهار د روغتیا وزارت ویاند اکمل سمسور یوه خبري غونډه کې له هېوادوالو وغوښتل چې د کرونا وېروس مخنیوي لپاره دې ګاونډیو هېوادونو په ځانګړې توګه ایران او پاکستان ته له تګ راتګه په کلکه ډډه وکړي.
