رویداد خبري آژانس په افغانستان کې لومړنۍ دیجټلي خبري آژانس
د ایران د بشري حقونو سازمان خبر ورکړی چې ایراني حکومت د یو افغان په ګډون شپږ کسان اعدام کړي دي.
یاد سازمان په یوه اعلامیه کې ویلي، چې دغه کسان د ایران د کرج ښار په «قزل حصار»زندان کې اعدام شوي دي.
د ایران د بشري حقونو سازمان د معلوماتو له مخې، اعدام شوي کسان د نشه یي توکو، بریدونو یا قصدي وژنو په تور په اعدام محکوم شوي دي.
اعلامیه کې دغه راز ویل شوي چې د روان ۲۰۲۴م کال یوازې د اکتوبر په میاشت کې د ایران حکومت د بېلابېلو جرمونو په تور د ۱۳ افغانانو په ګډون ۱۶۶ کسان اعدام کړي، چې له ډلې یې شپږ ښځې او یو ایرانيالاصله جرمن وګړی هم شامل دي.
د د دغه سازمان د معلوماتو پر بنسټ، دا په ۲۰۰۷ کال کې په ایران کې د اعدامونو له ثبت وروسته په یوه میاشت کې د اعدامونو تر ټولو لوړه شمېره ده.
که څه هم د بشر حقونو نړیوال سازمان او نورو هېوادونو له ایراني حکومت څخه د اعدامونو د درېدو غوښتنه کړې، خو له دې هر څه سره سره بیا هم په دغه هېواد کې هره میاشت ګڼ شمېر کسان اعدامېږي.
