رویداد خبري آژانس په افغانستان کې لومړنۍ دیجټلي خبري آژانس
امریکا کې؛پر کرونا د اخته کسانو شمېر تر ۷ میلیون او ۶۰۰ زره اوښتی
د روغتیا نړیوال سازمان د راپور له مخې، په امریکا کې پر کرونا ویروس د اخته کسانو شمېر تر ۷ میلیون او ۶۰۰ زره اوښتی دی.
یاد سازمان وایي، تر اوسه په دغه هېواد کې پر کرونا د اخته کسانو ټول شمېر ۷ میلیون او ۶۰۰زره او ۸۴۶ ته رسېدلی دی.
راپور کاږي چې په امریکا کې تر اوسه له یادې ناروغۍ ۲۱۴ زره او ۲۷۷ کسان مړه شوي او څلور میلیون او ۸۰۰ زره او ۵۰۰ نور بیا بېرته روغ شوي دي.
د یادونې ده چې د تېرې جمعې په ورځ د یاد هېواد ولسمشر ډونالډ ټرمپ هم پر کرونا ویروس تر اخته کېدو وروسته روغتون ته لېږدول شوی دی.
