رویداد خبري آژانس په افغانستان کې لومړنۍ دیجټلي خبري آژانس
د امریکا د الاسکا په ایالت کې چارواکي وایي یو هلیکوپتر چې د سکي د لوبې لپاره یې دې ایالت ته یوه ډله کسان لېږدول سقوط کړی.
په پیښه کې د الوتکې پیلوټ اوڅلور نور کسان مړه شوي دي.
په وژل شویو کسانو کې د چک جمهوریت میلیاردر پیټر کیلنر هم شامل دی. هغه د چک جمهوریت تر ټولو شتمن کس بلل کېده.
ښاغلي کیلنر د مالي چارو او ټکنالوژۍ شرکت درلود. د هغه شرکت پرون دوشنبې په ورځ (د وري ۹ مه نېټه) په یوې اعلامیې کې د هغه مرګ تائید کړی.
په اعلامیه کې ویل شوي چې ښاغلی کیلنر د شنبې په ورځ د امریکا د الاسکا په ایالت کې کې د هلیکوپتر د لویدو په پیښه کې وژل شوی.
په پیښه کې یو تن ټپي شوی هم دی چې اوس مهال یې په روغتون کې درملنه کیږي.
د امریکا د ترانسپورت د خوندیتوب ملي بورډ ویلي چې د الوتکې د لویدو په هکله تحقیقات کوي.
