رویداد خبري آژانس په افغانستان کې لومړنۍ دیجټلي خبري آژانس
په افغانستان کې د ناټو او امریکايي ځواکونو عمومي قومندان وایي له افغان ځواکونو به ددوی ملاتړ دوام کوي.
جنرال سکاټ مېلر کندهار ته تر یوه سفر وروسته په یوه ویډيوي پیغام کې ویلي چې ددغه ولایت امنیتي وضعیت یې له نږدې ارزولی دی.
میلر وایي له افغان ځواکونو د ناټو او امریکا ملاتړ دوام کوي او په وینا یې دوی هڅه کوي د امنیت په تامین کې همکارۍ ډېرې کړي.
سکاټ مېلر داسې مهال دغه څرګندونې کوي چې په هېواد کې جګړې شدیدې شوې دي او ملکي تلفات هم لوړ شوي دي.
بلخوا داسې راپورونه خپرېږي چې په وروستیو کې بهرني ځواکونه هم په ځینو عملیاتو کې له افغان ځواکونو سره برخه اخلي.
