رویداد خبري آژانس په افغانستان کې لومړنۍ دیجټلي خبري آژانس
امریکا وایي چې له افغانستان د سرتېرو د ایستلو بهیر پر مخ روان دی او دوی بریالي شوي چې دغه بهیر تر پنځوس سلنې بشپړ کړي.
د امریکایي پوځ د مرکزي قومندانۍ تازه رسنیو ته ویلي چې دمګړی سلګونه عسکر او نظامي تجهیزات له افغانستان ایستل شوي دي او ددوی د اټکل له مخې دغه بهیر تر پنځوس سلنې بشپړ شوی، په دې توګه نو دوی تر ټاکلې نېټې خپل ټول سرتېري له افغانستان ایستلی شي.
د امریکایي پوځ مرکزي قومندانۍ یو ځل بیا ویلي چې دوی له افغانستان سره مرستو ته ادامه ورکوي، د جګړو د ختمېدو ملاتړي دي او پر طالبانو او افغان حکومت یې غږ کړی چې د سولې مذاکرات بیا ځلې پيل کړي.
