رویداد خبري آژانس په افغانستان کې لومړنۍ دیجټلي خبري آژانس
ولسمشر محمد اشرف غني تېر ماښام د امریکا د ملي دفاع له نوي سرپرست وزیر کریسټوفر میلر سره ټلیفوني خبرې کړې دي.
له ارګه په خپره شوې اعلامیه کې راغلي، په دې ټليفوني خبرو کې چې د امريکا متحدو ايالتونو لوی درستيز جنرال ميلي هم حضور درلود، دواړو لوريو د افغانستان د اسلامي جمهوريت او امريکا متحدو ايالتونو ترمنځ پر اړيکو خبرې وکړې او د امريکا د دفاع وزارت سرپرست د افغان امنيتي او دفاعي ځواکونو د ملاتړ پر دوامداره کيفيت ټينګار وکړ او د سولې پروسې په اړه هم بحث وشو.
دا په داسې حال کې ده چې د امریکا غواړي له افغانستان خپل سرتېري ژر تر ژره باسي، د امریکا د دفاع وزارت وایي، تر راتلونکي جنوري میاشتې پورې به له افغانستان دوه نیم زره امریکایي سرتېري وباسي.
