رویداد خبري آژانس په افغانستان کې لومړنۍ دیجټلي خبري آژانس
د افغانستان لپاره د امریکا د سفارت چارسمبالې «کرن دکر» وایي چې د ملګرو ملتونو تر څار لاندې سازمانونو او مرستندویه هېوادونو سره یوځای له افغانستان سره د مرستې بهیر ارزوي.
د امریکا د سفارت چارسمبالې په دې اړه څرګندونې په خپله اېکس پاڼه کړې، خو دا یې نه دي ویلي چې د ارزونې دا بهیر په څه وخت پيل شي.
کرن دکر ویلي چې په دې ارزونه کې ډېری تمرکز پر څارنه او رونټیا دی چې د مرستو بهیر په شفافه توګه ترسره شي.
اغلې دکر د خپلو خبرو په دوام، افغان ښځې بدلون راوستونکې او مدافعینې بللې دي.
دا په داسې حال کې ده چې د ملګرو ملتونو د بشري مرستو د همغږۍ دفتر ویلي چې روان کال په افغانستان کې ۲۳.۷میلیون کسان بشري مرستو ته اړتیا لري. دغه سازمان له څه باندې ۱۷ میلیونه اړو کسانو سره د ۳.۰۶ میلیارد ډالرو مرستې غوښتنه کړې ده
