رویداد خبري آژانس په افغانستان کې لومړنۍ دیجټلي خبري آژانس
د افغانستان د عامې روغتیا وزارت وایي چې په تېرو ۲۴ ساعتونو کې په هېواد کې ۸۰ کسان په کرونا ویروس اخته شوي او اووه تنه نور مړه شوي دي.له دې سره پر یادې ناروغۍ د اخته کسانو شمېر ۵۴ زره او ۴۸۳ ته لوړ شوی دی.
د روغتیا وزارت په وینا، په همدې موده کې پر کرونا اخته اووه تنه مړه شوي او ډېر شمېر نور بیا بېرته روغ شوي دي.
د روغتیا وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر دوه زره او ۳۷۰ ته او د بېرته رغېدلیو هغه بیا ۴۶ زره او ۸۸۷ ته رسېدلی دی.
یاد وزارت په هېوادوالو غږ کړی دی چې د کرونا وبا دویمې څپې پراختیا مخنیوي لپاره باید روغتیایي سپارښتنو ته جدي پاملرنه وکړي.
