رویداد خبري آژانس په افغانستان کې لومړنۍ دیجټلي خبري آژانس
په قطر کې د طالبانو د دفتر ویاند ډاکټر نعیم وردګ وايي د سولې په هیله خبرو ته حاضر شوي دي او ډېر ژر به په بېن الافغاني خبرو کې د اختلاف مسایل حل شي.
نوموړی وايي، په ټوله نړۍ کې د ستونزو د هواري په موخه خبرې له ځنډ سره مخ کېږي خو د ځنډ مانا دا نه ده چې تفاهم دې ناشونی وي.
په همدې حال کې له کابل څخه قطر ته د ورغلي افغان پلاوي مرکچي غړی نادر نادري وايي، د دوحې خبرې ټکنۍ شوې نه دي او ۹۲ سلنه کارونه یې بشپړ شوي دي.
نوموړی وايي، په خبرو کې دمه عموماً د دې لپاره وي چې دواړه غاړې په خپل منځونو کې پر شویو خبرو سلا مشورې کوي.
نادري وايي، چې د دوی لوری لا هم په اوربند ټینګار کوي.
