رویداد خبري آژانس په افغانستان کې لومړنۍ دیجټلي خبري آژانس
د هرات مسوولین وايي، د هرات – خواف د اوسپنې پټلۍ د لومړي فاز جوړولو چارې له ۸۰ سلنې زیاتې بشپړې شوې دي.
د دوی په وینا، د دغه فاز چارې به تر راتلونکو پنځو میاشتو بشپړې شي. د هرات د اطلاعاتو او فرهنګ رییس احمدالله متقي رسنیو ته ویلي: “ا.ا ژمن دی چې د دې پروژې کارونه تر راتلونکو پنځو میاشتو بشپړ کړي.”
د ویلو ده چي د هرات – خواف د اوسپنې دا پټلۍ له بېلابېلو هېوادونو د خامو توکو وارداتو او د هرات تولیدي توکو صادراتو په برخه کې ارزښتناک رول لري.
دا په داسې حال کې ده چې د هرات – خواف د اوسپنې پټلۍ د جوړولو چارې شپږ میاشتې وړاندې پیل شوې او په پام کې ده چې تر راتلونکو اتلس میاشتو ګټې اخیستنې ته وسپارل شي.
