رویداد خبري آژانس په افغانستان کې لومړنۍ دیجټلي خبري آژانس
د اسټراليا کريکټ بورډ وايي چې د کووید-۱۹ له امله يې لوبډله سويلي افريقا ته نه استوي.
په سويلي افريقا کې د کووید-۱۹ د نوي ډول څپې بيا زور اخيستی ، د ناروغانو کچه لوړه سوې او د مړو شمېر يې هم مخ په ډېرېدو دی.
پرون سې شنبې (د فبرورۍ۲مه نېټه) په مازديګر د اسټراليا کريکټ بورډ اجرائوي رئيس نيک هوکلي وويل چې د کرونا وېروس له کبله يې د لوبډلې سفر وځنډېده.
نوموړي زياته کړه چې د سويلي افريقا کريکټ بورډ ته احترام لري خو د خپلو لوبغاړو او د لوبډلې سره د تلونکو کسانو روغتيا ورته ډېره مهمه ده.
نيک ويلي چې هرکله د کرونا وېروس وېره کمه سوه نو لوبډله به يې سويلي افريقا ته د ۳ ټيسټ لوبولپاره سفر وکړي.
دا لومړی ځل ندی چې د سويلي افريقا سره لوبې ځنډېږي،تېره مياشت هغه مهال انګلينډۍ لوبډله د سويلي افريقا څخه بيرته خپل هيواد ته ولاړه چې د سويلي افريقا د ځينو لوبغاړو او د هوټل د کارکوونکو د کرونا وېروس ټيسټ مثبته پايله ورکړه.
د پاکستان ښځينه کريکټ لوبډلې هم خپل سفر دې هيواد ته ځنډولی دی.
اسټراليا تېر کال هم خپل لوبه د بنګلدېش او افغانستان سره وځنډولې خو په تېرکال ډسمبر مياشت کې د افغانستان کريکټ بورډ اعلان وکړ چې د اسټراليا سره به په ۲۰۲۱ز کې يوازنۍ ټیسټ ترسره کوي خو د اسټراليا کريکټ بورډ تر اوسه دا خبر ندی تائيد کړی.
