رویداد خبري آژانس په افغانستان کې لومړنۍ دیجټلي خبري آژانس
د امریکا په شیکاګو ایالت کې په دریو جلا وسله والو بریدونو کې شپږ کسانو ته مرګ ژوبله اوښتې ده.
شیکاګو سن ټایمز د دغه ایالت د پولیس چارواکو له قوله ویلي چې لومړۍ پېښه د شپې په نهه بجو، دویمه د سهار په شپږو او درېیمه هغه هم تر دویمې پېښې څو شېبې وروسته د دغه ایالت په بېلو سیمو کې رامنځته شوې ده.
چارواکي وایي چې په دې پېښو کې درې تنه وژل شوي او درې نور ټپیان دي.
چارواکو د ټپيانو روغتیایي حالت د ډاډ وړ ښودلی خو زیاتوي چې د یادو پېښو په تړاو تر اوسه کوم څوک نیول شوي نه دي.
د یادونې ده چې د کرونا وبا له پراختیا سره سره په دغه هېواد کې وسله وال تاوتریخوالی هم خپل په بېساري توګه ډېر شوی دی.
