رویداد خبري آژانس په افغانستان کې لومړنۍ دیجټلي خبري آژانس
د افغانستان د عامې روغتیا وزارت وایي چې په تېرو ۲۴ ساعتونو کې په هېواد کې تازه ۴۶ کسان په کووېد-۱۹ اخته شوې دي، له دې سره پر یادې ناروغۍ د اخته کسانو شمېر ۵۳ زره او ۵۸۴ ته رسېدلی دی.
د روغتیا وزارت په وینا، په همدې موده کې پر کرونا اخته ۱۳ تنه مړه شوي او ډېر شمېر نور بیا بېرته روغ شوي دي.
د یاد وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر دوه زره او ۳۰۱ ته او د بېرته رغېدلیو هغه بیا ۴۴ زره او ۱۳۷ ته رسېدلی دی.
د یادونې ده چې روغتیا وزارت یو ځل بیا له هېوادوالو غوښتي چې د کرونا وبا د دویمې څپې پراختیا مخنیوي لپاره باید روغتیایي سپارښتنو ته جدي پاملرنه وکړي.
