رویداد خبري آژانس په افغانستان کې لومړنۍ دیجټلي خبري آژانس
تورخم کې د کډوالو د لېږد امر بخت جمال ګوهر رسنیو ته ویلي، پاکستان پرون (شنبې د سلواغې په ۲۷مه) ۳۶ افغان کډوال چې یو شمېر یې په دغه هېواد کې د اوسېدو قانوني اسناد هم لرل، په جبري توګه افغانستان ته را لېږدولي دي.
ښاغلی ګوهر زیاتوي، چې دا کسان د لغمان، کونړ، ننګرهار، کاپیسا، کابل، فاریاب، کندوز، بلخ، هرات، سمنګان او د پروان ولایتونو اوسېدونکي دي.
د ویلو ده چې په دې وروستیو کې ګاونډي هېوادونو ایران او پاکستان په زرګونه افغانان په خپله خوښه او یا په جبري توګه ایستلي او افغانستان ته یې راستانه کړي دي.
