رویداد خبري آژانس په افغانستان کې لومړنۍ دیجټلي خبري آژانس
پخواني ولسمشر حامد کرزي، په هېواد کې د جګړې پر دوام او د تلفاتو پر ډېروالي خپله ژوره خواشیني څرګنده کړې ده.
د کرزي له مطبوعاتي دفتره خپرې شوې خبرپاڼه کې په کندز کې هوایي برید او پکتیا او بلخ ولایتونو کې وروستیو چاودنو ته په اشارې راغلي،
پخوانی ولسمشر دا ظالمانه کړنې په کلکو ټکو غندي او په هېواد کې د جګړې له ښکېلو افغاني لوریو غوښتنه کوي چې د سولې د مذاکراتو د بریالیتوب او دغه راز د افغانانو د ژوند خوندیتابه لپاره دې له تاوتریخوالي په کلکه ډډه وکړي او تر هر څه وړاندې دې په هېواد کې پر تلپاتي او سراسري اوربند یوې هوکړې ته سره ورسېږي.
