رویداد خبري آژانس په افغانستان کې لومړنۍ دیجټلي خبري آژانس
د فراه ولایت په شیخ ابونصر فراهي بندر کې ۱۳ ټانکره بې کیفیته تېل بېرته ایران هېواد ته ګرځول شوي دي.
د دغه ولایت د شیخ ابونصر فراهي د سټنډرډ ملي ادارې آمر عطاءالله ابرار اغا رسنیو ته ویلي، چې یادې ادارې د شیخ ابونصر فراهي بندر کې ۱۳ ټانکره بې کیفیته تېل چې د یادې ادارې له سټنډرونو سره برابر نه وو بېرته ایران ته ګرځول شوي دي.
ابرار اغا زیاته کړې، چې هېچا ته به د بې کیفیته توکو د واردولو اجازه ور نه کړل شي.
هېره دې نه وي، چې په دې سره په شاوخوا یوه اونۍ کې ایران ته د بېرته مسترد شویو تېلو اندازه ۵۸ ټانکرو ته ورسېده.
