رویداد خبري آژانس په افغانستان کې لومړنۍ دیجټلي خبري آژانس
د هند او پاکستان ترمنځ د پوځي تاوتریخوالي له زیاتېدو وروسته، د هند حکومت اعلان وکړ چې د هېواد په ۳۲ هوايي ډګرونو کې یې د مې تر ۱۵مې پورې الوتنې ځنډول شوي دي.
بلخوا، پاکستان هم اعلان وکړ چې خپل هوايي حریم یې د څو ساعتونو لپاره ( په سیمه ییز وخت د ۳:۱۵ څخه تر ۱۲:۰۰ بجو پورې) د ټولو الوتنو لپاره تړلی دی.
د هند په بېلابېلو سیمو کې نن سهار د پاکستان له خوا د پراخو هوايي او د توغندیو بریدونو له امله د سختو چاودنو غږونه واورېدل شول او یو لوی سایبري برید د هند د برېښنا شبکه هم ګډوډه کړه.
