رویداد خبري آژانس په افغانستان کې لومړنۍ دیجټلي خبري آژانس
د افغانستان او فیلیپین د فوټبال ملي لوبډلو ترمنځ نن یوه دوستانه سیالي ترسره شوه چې دوه د یو پر وړاندې فیلیپین وګټله.
یاده سیالي د فیلیپین په پلازمینه مانیلا په رزال لوبغالي کې ترسره شوه چې فیلیپین دوه او افغانستان یو ګول وواهه.
د لوبې لومړۍ نیمايي پرته له کوم ګوله په مساوي ډول پایته ورسیده، خو دا افغان لوبغاړي وو، چې لومړی ګول یې وواهه.
امید پوپلزي د لوبې په ۶۴ دقیقه کې د لوبې او افغانستان لومړی ګول وواهه، خو سیالې لوبډلې بیا د لوبې په ۷۴ او ۸۱ دقیقو کې دوه ځلې ګولونه وکړل او لوبه یې وګټله.
افغانستان په تدارکاتي لوبو کې ۲ مساوي او یوې ماتې سره مخ شوو او له دې وروسته باید ځان د منګولیا سره لوبو لپاره چمتو کړي.
