رویداد خبري آژانس په افغانستان کې لومړنۍ دیجټلي خبري آژانس
رپوټونه وايي روسیې او اوکرایین تېره شپه د یو بل پر بندرونو بریدونه کړي دي.
روسیې ویلي اوکراییني ځواکونو کریمیا کې د سېواستوپول ښار پر یوه بندر په برید کې لږترلږه لس تواغندي او درې چاودېدونکي بېړۍ کارولې.
کرایمیا لپاره د روسیې لخوا ټاکل شوي والي میخایل رازوژیایف ویلي چې په سېواستوپول کې د اوکراییني توغندیو د برید له کبله پراخه اورلګېدنه رامنځته شوې.
هغه په دې پېښه کې د ۲۴ کسانو د ټپي کېدو خبر هم ورکړی دی.
بلخوا روسیې بیا اوکرایین کې د دانیوب سیند پر غاړه د اېزمائیل سیمې یو بندر چې اوکرایین ترې غله دانه صادروله، د ډرونونو په برید کې ویجاړ کړی دی.
د اودېسا سیمې والي اولېح کیپېر ویلي، چې په دغه برید کې شپږ کسان هم ټپیان شوي.
د نوموړي په وینا د ډرونونو د دغه برید پایله کې اور لګېدلی چې بندري تاسیسات یې ویجاړ کړي دي.
