رویداد خبري آژانس په افغانستان کې لومړنۍ دیجټلي خبري آژانس
په لومړي ځل د خوست د غلام خان له لارې ټرانزیټي محموله تر سره او د ولسونو لخوا یې تود هر کلی وشو.
په دې مراسمو کې د خوست ولسونو د هغو باروړونکو موټرو تود هرکلی وکړ، چې په ترانزیټي مالونو بار د خوست سرحدي ګمرک ته راورسېدل.
د خوست والي مهمند کټوازي وویل چې په لومړي ځل د غلام خان له لارې د ترانزیټي مالونو محموله تر سره شوه، چې په دې سره غلام خان له مرکزي اسیا سره وصل او د ترانیزیټي موټرو تګ راتګ پرې پیل شو.
نوموړي وویل چې په دې لار به د ترانزیټ لپاره نورې اسانتیاوې هم رامنځته شي.
کټوازي وویل، چې خوست د اقتصاد او سوداګرۍ په برخه کې ډېر فرصتونه لري او د منظمو پلانونو له مخې به د هر اړخیز پرمختګ لپاره هڅه وکړي.
