رویداد خبري آژانس په افغانستان کې لومړنۍ دیجټلي خبري آژانس
د چین او پاکستان مشرانو په یوه ګډه اعلامیه کې په افغانستان کې د ټول شموله حکومت د جوړېدو غوښتنه کړې ده.
د چين او پاکستان مشرانو د غبرګولې اتلسمه په بېجينګ کې سره وکتل.
د دواړو هېوادونو په ګډه اعلامیه کې ویل شوي چې چین او پاکستان د افغانستان په اړه د اړیکو او همغږۍ پر پیاوړتیا هوکړه کړې ده.
د چین سفارت د یوې خبرپاڼې په خپرولو سره ویلي چې چین او پاکستان د افغانستان له سرپرست حکومت څخه غواړي چې د دې هېواد له خاورې د نورو هېوادونو د ګواښلو لپاره د کارونې مخه ونیسي.
تر اوسه ا.ا د دې څرګندونو په اړه کوم غبرګون نه دى ښودلى، خو تر دې وړاندې يې ويلي چې هېڅ هېواد له افغانستان څخه نه ګواښل کېږي.
