رویداد خبري آژانس په افغانستان کې لومړنۍ دیجټلي خبري آژانس
په داسې حال کې له درېيو ورځو را په دېخوا په کابل، پروان او کاپيسا کې د کور په کور تلاشۍ چاڼيز عمليات دوام لري، د اسلامي امارت وياند ذبيحالله مجاهد وايي چې دغه عمليات د عامه نظم او د امنيت ډاډمنولو په موخه دي.
نوموړي چې نن يکشنبه د (کب په ۸مه) يې کابل کې خبري کنفرانس ته خبرې کولې ومنله، چې د سياسي بدلون پرمهال د څرخي پله زندان په شمول له يو شمېر زندانونو داسې کسان خوشي شوي، چې جرمي سابقه لري.
مجاهد زياته کړه چې د استخباراتي مالوماتو پر بنسټ د يادو خوشي شوو کسانو په شمول ځيني جرمې شبکې د انسجام په حال کې وې او له همدې کبله يې په کابل، پروان او کاپیسا کې د وسلو ټولولو چاڼيز عمليات پيل کړي دي.
مجاهد هغو اندېښنو ته په اشارې سره چې ګواکې روان عمليات د يوه خاص سياسي هدف په موخه دي وويل، چې ياد چاڼيز عمليات د ګذر وکيل او د جومات ملا امام په مشوره د ښځينه پوليسو په موجوديت کې ترسره کېږي او هېڅکله يې موخه خاص افراد نه دي.
په ورته وخت کې نوموړي د پوهنتونو پيلېدو ته هم اشاره درلوده او تائيدوي، چې له تحوولاتو وروسته په هنتونونو کې د استاذانو کموالی رامنځته شوی. مجاهد له هغو استاذانو چې دباندې تللي وغوښتل، څو هېواد او خپلو دندو ته بېرته راستانه شي.
