رویداد خبري آژانس په افغانستان کې لومړنۍ دیجټلي خبري آژانس
د ا.ا د بهرنیو چارو وزیر د سره صلیب نړیوالې کمېټې له مشر سره په یوه کتنه کې له افغانستان څخه بهر د افغان بندیانو د برخلیک په معلومولو کې د مرستې غوښتنه کړې ده.
د سره صلیب نړیوالې کمېټې مشر «پیر کراهنبو» په کابل کې د بهرنیو چارو له وزیر، امیر خان متقي سره کتلي، او په افغانستان کې یې د روغتیا اړوند، د مصنوعي غړو جوړول او نورو بشري سکتورونو په ګډون د فعالیتونو په اړه خبرې اترې کړې دي.
په دې کتنه کې متقي د افغانستان له خلکو، په ځانګړې توګه له ناروغانو او معلولو کسانو سره د سره صلیب له مرستو مننه کړې او غوښتنه یې کړې چې دا سازمان دې په نورو هېوادونو کې د افغان بندیانو د برخلیک په معلومولو کې همکاري وکړي.
