رویداد خبري آژانس په افغانستان کې لومړنۍ دیجټلي خبري آژانس
یونیسف یا د ملګرو ملتونو د ماشومانو وجهي صندوق اعلان کړی چې د افغانستان په سېلاب ځپلو سیمو کې د ورځې ۲۲ زره کسانو ته اوبه برابروي.
دغه سازمان پرون یکشنبې د غبرګولي ۶مه په خپله اېکس پاڼه لیکلي چې په افغانستان کې وروستیو سېلابونو د اوبو رسولو ډېری سیستمونه ویجاړ کړي دي.
یونیسف ټینګار کړی چې په سېلاب ځپلو سیمو کې کورنۍ د څښاک او پخولو اوبو ته اړتیا لري.
په وروستیو ورځو کې د افغانستان په بېلابېلو ولایتونو کې سېلابونو ډېر ځاني او مالي زیانونه اړولي دي.
د هېواد په بېلابېلو ولايتونو کې سېلاب ځپلي وايي، چې په چټکه توګه اوبو، خوراکي توکو او سرپناه ته اړتيا لري او له مرستندويه ادارو يې د پاملرنې غوښتنه کړې ده.
