رویداد خبري آژانس په افغانستان کې لومړنۍ دیجټلي خبري آژانس
د هرات-تورغونډۍ لویه لاره د زیاتې واورې ورېدو له کبله د هر ډول تګ راتګ پرمخ تړل شوې ده.
د باختر دولتي اژانس د راپور پر اساس چې یاده لویه لاره نن سهار(یک شنبه،۲۵ د لېندۍ)د زیاتې واورې ورښت له کبله د رباط سنګي ولسوالۍ په«بند بقرچر»سیمه کې د ټرافیکو پرمخ تړل شوې.
په ورته مهال د ټرانسپورټ او هوایي چلند وزارت هم د یوې خبرپاڼې په خپرولو سره د هرات په ګډون د هیواد په یوولس ولایتونو کې د واورې او باران د ورېدو اټکل کړی دی.
دا په داسې حال کې ده چې له دې څو ورځې وړاندې د سالنګ لویه لاره هم د زیاتو واورو د ورښت له کبله د پنځلس ورځو لپاره د هر ډول تګ راتګ پرمخ تړل شوې وه.
