رویداد خبري آژانس په افغانستان کې لومړنۍ دیجټلي خبري آژانس
اسراییلي ځواکونو د غزې په جنوب کې پر رفح ځمکنی برید پیل کړی او د دغه رژیم ټانکونه دې ښار ته دننه شوي دي.
رویټرز د رفحې د یو اوسېدونکي له قوله راپور ورکړی چې د اسراییلو ټانکونه سه شنبه د غبرګولي په ۸مه رفحې ته دننه شوي او په ځینو سیمو یې بریدونه کړي دي.
د اسراییلو لخوا پر رفح برید چې د انساني ناورین لامل شوی او د نړیوالو خبرداریو سره سره بیا هم دوی له دریو اوونیو راپه دې خوا په دې ښار خپل بریدونه پيل کړي دي.
دا په داسې حال کې چې د اسراییلو لخوا د بې ځایه شویو کسانو پر کمپ د برید په ترڅ کې په لسکونو کسان ووژل شوي او ټپیان شوي دي او د اسراییلو صدراعظم د نړیوالې ټولنې له نیوکې وروسته دا برید تېروتنه بللې ده.
ویل کېږي چې په نړیواله ټولنه کې پر رفح د اسراییلو لخوا بریدونو سخت غبرګونونه راپارولي دي.
بلخوا اروپایي ټولنې هم دا بریدونه غیر انساني بللي دي.
