رویداد خبري آژانس په افغانستان کې لومړنۍ دیجټلي خبري آژانس
د پاکستان او جنوبي افریقا ترمنځ په کراچۍ ښار کې یوه پنځوس اوریزه سیالي ترسره شوه چې جنوبي افریقا پکې ماته وخوړه.
لومړۍ توپوهنه د جنوبي افریقا لوبډلې پیل کړه او په پنځوس اورونو کې یې ۳۵۲منډې وکړې چې دا د پاکستان لوبډلې لپاره یو ستر هدف و او د کرکټ د مینوالو فکر دا وه چې لوبه یې له لاسه ووته.
پاکستانۍ لوبډلې ځوابي توپوهنه پیل کړه په پیل کې لوبه ډېره ارامه وه، خو وروسته د محمد رضوان او سلمان اغا ګډې ملګرتیا لوبه اسانه کړه او پاکستان په ۴۹ اور کې لوبه وګټله.
د پاکستان لپاره د لوبې غوره لوبغاړی سلمان اغا وټاکل شو، نوموړي په ۱۰۳ توپونو ۱۳۴منډې وکړې.
دده ترڅنګ محمد رضوان هم د پام وړ توپوهنه وکړه، نوموړي هم ۱۲۲ منډې وکړې چې د لوبې په ګټلو کې خاص رول درلود.
د پاکستان او جنوبي افریقا ترمنځ یاده سیالي د اتلانو جام لپاره دغوره چمتوالي په موخه ترسره شوه.
ټاکل شوې د فبرورۍ په ۱۹مه نیټه د اتلانو جام لومړۍ لوبه پیل شي.
