رویداد خبري آژانس په افغانستان کې لومړنۍ دیجټلي خبري آژانس
د اسراییلو صدراعظم بنیامین نتانیاهو یوځل بیا په ښکاره سرغړونې سره نړیوالې ټولنې ته په ټینګار ویلي چې هېڅکله به فلسطین ته د خپلواک حکومت د جوړولو اجازه ورنکړي.
نتانیاهو وایي چې نه ملګري ملتونه او نه هم کوم بل بنسټ دوی د ځان د دفاع په نامه د جګړې له دوام موږ نه شي منع کولای.
په ورته وخت کې بنیامین نتانیاهو اعلان کړی چې د غزې د تړانګې د راتلونکي حکومت لپاره له دغه ښار څخه د حماس له منځه وړل اړین دي.
نتانیاهو همدا زار زیاتوي: “موږ به فلسطین ته اجازه ورنکړو چې یو ترهګر دولت رامنځته کړي او له هغه ځایه پر موږ بریدونه وکړي.”
له بلې خوا د حماس د سیاسي دفتر مشر اسماعیل هنیه اسراییل د اوربند په خبرو اترو کې د روان کړکېچ مسوول بللی دی.
د فلسطین د مقاومت ډلو تل ټینګار کړی چې د یادې جګړې د پای ټکی د فلسطیني دولت جوړول دي.
دا په داسې حال کې ده چې په غزې تړانګه کې د جګړې له پيل څخه څه باندې اووه مياشتې تېرې شوې، د هرې ورځې په تېريدو سره د اسرایيلو بريدونه زياتېږي او د فلسطیانو د وژلو لامل کېږي.
