رویداد خبري آژانس په افغانستان کې لومړنۍ دیجټلي خبري آژانس
بشر ذهین یو ځیرک او زحمتکښ ځوان دی، چې د لوړو زده کړو په برخه کې ځانګړې لیوالتیا لري.
نوموړی اوس مهال د کاردان پوهنتون محصل دی او خپلې زده کړې په پوره هڅې او مینې سره تعقیبوي.
دی وایي: «لوی هدف مې دا دی چې د لوړو زده کړو وروسته په ټولنه کې یو اغېزناک انسان ثابت شم تر څو نورو سره مرسته او همکاری وکړی شم.»
بشر نه یوازې د علم او پوهې غوښتونکی دی، بلکې د نوښت، تفکر او پرمختګ روحیه هم لري. د زده کړو ترڅنګ، هغه تل د خپلې پوهې پراخولو او مهارتونو لوړولو ته لېواله دی، چې دا ځانګړتیاوې یې له خپلو همزولو څخه متمایز کوي.
نوموړی زیاتوي: «غواړم چې تر ماسټرۍ او دوکتورا پورې زده کړې وکړم، هیله مې دا ده چې د وطن په ابادۍ کې یو ګټور شخص اوسم.»
نوموړی د خپلې زړورتیا، زحمت او مثبت فکر له امله د خپل چاپېریال د خلکو په منځ کې د یو هڅاند محصل په توګه پېژندل کېږي.
