رویداد خبري آژانس په افغانستان کې لومړنۍ دیجټلي خبري آژانس
ایران په تېر یوه کال کې له زرو ډېر هغه افغانان افغانستان ته سپارلي، چې د بېلابېلو جرمونو په تور په یاد هېواد کې بندیان وو.
ایراني رسنیو خبر ورکړی، چې په تهران کې د ا.ا سفیر، فضل محمد حقاني د ایران د عدلیې وزارت د بشري حقونو او نړیوالو چارو له مرستیال، عسکر جلالیان سره کتلي دي.
د راپورونو له مخې، عسکر جلالیان په دې کتنه کې ویلي چې په تېر یوه کال کې ۱۱۳۶ افغان بندیان افغانستان ته لېږدول شوي چې د بند پاتې موده په خپل هېواد کې تېره کړي.
د جلالیان په وینا چې د دواړو هېوادونو ترمنځ د بنديانو د تبادلې او د مجرمينو د استرداد په برخه کې موافقه شوې ده.
د ویلو ده چې تر دې وړاندې ا.ا د بهرنیو چارو وزارت ته دنده سپارلې وه چې په هر هېواد کې د افغان بندیانو د خلاصون لپاره کار وکړي.
