رویداد خبري آژانس په افغانستان کې لومړنۍ دیجټلي خبري آژانس
اسراییلي ځواکونو پر غزې د بریدونو په لړ کې د غزې مطبوعاتي کور نړولی دی.
یاد رسنیز سازمان داسې مهال نړول شوی چې اسراییلي ځواکونو په غزې تړانګې کې په مستقیم ډول خبریالان او رسنیزو فعالان په نښه کړي دي.
د بشري حقونو کورنیو او نړیوالو سازمانو ویلي چې د رسنیزو مرکزونو او خبریالانو په نښه کېدل له جګړې څخه د فسلطیني روایاتو لرې کول دي.
د غزې د مطبوعاتو کور یو غیر انتفاعي او خپلواک رسنیز سازمان دی چې په ۲۰۱۳ کې د یوې ډلې خپلواکو ورځپاڼې لیکونو لخوا د بیان او عقیدې د ازادۍ، د خپلواکو رسنیو او له ورځپاڼې لیکونو څخه د قانوني ملاتړ لپاره په فلسطین کې جوړ شو.
له بلې خوا اسراییلي ځواکونو پروسږ په نوامبر کې د مطبوعاتي کور مدیر، بلال جدالله په هوايي برید کې وواژه.
د غزې د دولتي رسنیز دفتر د معلوماتو له مخې، د اکتوبر له ۷مې تر اوسه اسراییلو ۱۲۴خبریالان، ورځپاڼې لیکونکي او رسنیز فعالان د غزې په شاوخوا سیمو کې په نښه او وژلي دي.
پر غزه د اسراییلو په دوام، د فلسطین د روغتیا وزارت ویلي چې د دې جګړې له پیل نه تر اوسه له ۲۸ زرو ډېر فلسطینیان وژل شوي او شاوخوا ۸۵ سلنه نور بېځایه شوي دي.
