رویداد خبري آژانس په افغانستان کې لومړنۍ دیجټلي خبري آژانس
د بهرني رسنیو د راپورونو له مخې په بلجیم کې یوې محکمې ایراني دیپلومات د یو برید د دسیسې په تړاو په بند محکوم کړ.
برید په ۲۰۱۸ کال کې په فرانسه کې د ایران حکومت د یوه مخالفه ډله پر وړاندې شوې وه.
محکمه پرون ایراني دیپلومات اسدالله اسدي ته د ۲۰ کاله بند سزا اعلان کړه.
رسنیو راپور ورکړی چې په بلجیم کې څارنوالان وایي په ویانا کې میشت اسدي او نورو ملګرو یې پلان درلود چې په پاریس کې د ایران مخالف ډلې شورا پر لاریون باندې بمي برید وکړي.
ایراني چارواکو د بلجیم محکمې له لوري د اسدي محکوم کیدل غندلي دي.
د ایران د بهرنیو چارو وزارت چارواکو ویلي: (د ایران اسلامي جمهوریت په کلکه د بلجیم د انتورپ د محکمې اعلان غندي چې له مخې یې اسدالله اسدي په ۲۰ کاله بند محکوم شوی دی.)
ایران دغه قضایي بهیر او حکم غیر قانوني او د نړیوال قانون څخه ښکاره سرغړونه ګڼي.
دغه ایراني دیپلومات جرمني ته د سفر پرمهال نیول شوی، تیر کال یې په خپله محاکمه کې له شاهدي ورکولو ډډه کړې وه او ادعا یې کوله چې هغه دپلوماتیک مصؤنیت لري.
