رویداد خبري آژانس په افغانستان کې لومړنۍ دیجټلي خبري آژانس
د امریکا د متحده ایالاتونو ولسمشر جو بایډن کانګریس ته د ۶ تریلیونه ډالره د بودجې طرحه د تصویب لپاره واستوله.
په دې طرحه کې د بې وزله او منځنۍ کچې امریکایانو د ملاتړ لپاره یو لړ پروګرامونه په پام کې نیول شوي دي، همدا راز د بنسټیزو پروژو پلي کول او له پوهنې نیولې د سایبري بریدونو تر مخنیوي پورې پروګرامونه په پام کې دي.
وروسته تردې چې په جنوري میاشت کې جو بایډن واک ته ورسېد، دا لومړی ځل دی چې کانګرس ته د بشپړو لګښتونو طرحه وړاندې کوي.
تمه ده چې په کانګرس کې د دې طرحې په اړه جدي بحثونه وشي او ممکن دا بحثونه میاشتې میاشتې دوام وکړي.
