رویداد خبري آژانس په افغانستان کې لومړنۍ دیجټلي خبري آژانس
د چین هېواد وایي د پوځ یو عسکر یې چې د هند خاورې ته ننوتی و او هندیانو نیولی و نن د چارشنبه په ورځ بیرته دوی ته سپارلی دی.
د چین هېواد نن یوه اعلامیه خپره کړې او ویلي دي چې وانګ یا لونګ په نامه یو عکسر وروسته تر هغه لادرک شوی چې د شپنو یوې ډلې ترې د ژویو د پیدا کیدو مرسته وغوښته.
د هند پوځ هم ویلي چې د چین دا پوځي یې د دوشنبې په ورځ وروسته تر هغه د لداخ په سرحدي غرنۍ سیمه کې ونیوه چې د هند تر کنترول لاندې خاورې ته ننوت.
د هند او چین پوځیانو د همدې کال د جون په میاشت کې پدې غرنۍ سیمې کې لس ګونه عسکر او وسلې ځای پر ځای کړلې او د لنډې مودې لپاره یې خونړۍ جګړه هم وکړله. په جګړې کې تقریباً شل هندي عسکر ووژل شول.
