رویداد خبري آژانس په افغانستان کې لومړنۍ دیجټلي خبري آژانس
سویډني چارواکي وایي چې پرون ( سه شنبې، د سلواغې ۱۶مه) د سویډن د اوریبرو ښار په ثانوي ښوونځي کې دننه په ډزو کې لږ تر لږه ۱۰کسان وژل شوي دي.
د سویډن صدراعظم اولف کریسټرسن، دا په هېواد کې ټولو ناوړه ډله ییزه وژنه بللې. ښاغلي کریسټرسن وویل چې لا هم د برید په اړه ډېرې پوښتنې بې ځوابه پاتې دي.
هغه زیاته کړه، ” وخت به راشي چې موږ ټول به پوه شو چې څه پېښ شوي، څه ډول پېښ شوي او څه ډول انګیزه یې ښایي تر شا وي.”
پولیسو تر دې دمه د وژل شویو او برید ګر د هویت په اړه معلومات نه دي ورکړي، یوازې دومره ویلی چې د لومړنیو معلوماتو له مخې ویلی شو چې برید ګر دا هر څه په یوازې ځان کړي.
دا په داسې حال کې ده چې تر دې وړاندې هم په یاد هېواد کې دې ته ورته پېښې ترسره شوې دي.
د ویلو ده چې د ۲۰۲۲ کال د مارچ په میاشت کې یو ۱۸ کلن زده کوونکي هم خپل دوه ښوونکي په چاقو ووژل.
