رویداد خبري آژانس په افغانستان کې لومړنۍ دیجټلي خبري آژانس
پاکستان تحریک انصاف په ملي اسمبلۍ کې د خپلو ۴۴ غړو استعفاګانو د بېرته اخيستلو پرېکړه کړې ده.
د ګوند يو مخکښ اسد عمر د جنورۍ پر ۲۳مه نېټه پر ټويټر ليکلي چې د تحریک انصاف مشر عمران خان په حکم د ۴۴ غړيو استعفاوې ځکه بېرته اخلي چې د ده په وينا، د ملي اسمبلۍ رئیس د دوی استعفاګانې نه منظوروي.
هغه زیاته کړې چې په دې اړه يې د ملي اسمبلۍ (پارلمان) رئیس ته ايمېل لېږلی دی او بل قدم به يې د اپوزيشن د مشر د ټاکلو وي.
البته د دې ګوند بل مخکښ فواد چودري بیا د جنورۍ پر ۲۳مه نېټه پر ټويټر پاڼه د استعفاګانو د بېرته اخيستونکو غړيو شمېر ۴۵ یاد کړی دی. هغه ويلي چې استعفاګانې ځکه بیرته اخليچې غواړي په اسمبلۍ کې اپوزیشن چوکۍ له دوی سره پاتې شي.
