رویداد خبري آژانس په افغانستان کې لومړنۍ دیجټلي خبري آژانس
په داسې حال کې چې د نفتو د توليد پر اندازې د امريکا او سعودي عربستان ترمنځ د اړيکو سړېدو راپورونه ورکړل شوي؛ خو تازه د سعودي عربستان چارواکو تائيد کړې چې له امريکا سره په اړيکو کې يې ستونزې رامنځته شوي.
د سعودي عربستان د بهرنيو چارو وزير عادل الجبېر پرون شنبه ناوخته د (لړم په ۲۱مه) خبريالانو ته ويلي، چې له امريکا سره د نفتو د بازار په اړه په ليد لوري کې د نظر اختلاف لري او زياتوي، چې په امريکا کې هم يو ډله کسان د سعودي د ليد لوري خلاف متفاوته عقيده لري.
نوموړي زياته کړې، چې په اړيکو کې لاندی او باندی د سياسي اصل په توګه مطرح دی او په خبره يې سعودي د خپلو ګټو په چوکاټ کې له امريکا سره د اړيکو د ښهوالي هڅه کوي.
عادل الجبېر ډاډ څرګند کړی، چې د سعودي عربستان او امريکا ترمنځ تړاو پوخ دی او باوري دی، چې د نظر اوسنی سياسي اختلاف به هم حل شي.
د امريکا او سعودي عربستان اړيکي وروسته له هغې سړې شوې، چې د امريکا ولسمشر جوبايډن سعودي عربستان ته د خپل وروستي سفر پرمهال وړانديز وکړ، چې په نړيوال بازار کې د نفتو اندازې ته په پام سره دې سعودي د يادو توکو د توليد کچه لوړه کړي؛ خو دا وړاندي د سعودي عربستان له لوري نه دی منل شوی.
له دې وړاندې سپينې ماڼۍ ويلي و، ولسمشر بايډن سعودي ته د سفر پرمهال د نوموړي هېواد چارواکو ته په ډاګه کړې وه، چې د نفتو په توليد کې په ورځنۍ توګه د ۲ ميليون بېرل په اندازه کموالی په بازار کې هېڅ د توجهې وړ نه دی.
