رویداد خبري آژانس په افغانستان کې لومړنۍ دیجټلي خبري آژانس
وروسته له هغې چې په ناټو سازمان کې د فنلنډ او سوېډن د غړيتوب بحث خورا ګرم شوی، ورسره سم د روسيې ګازپروم شرکت اعلان کړی چې فنلنډ ته د ګازو صادرول بندوي.
د دې شرکت اجرائيه رئيس مايکا ويليانين پرون رسنيو ته ويلي، چې دغه کار به سره له نن شنبې د (غويي په ۳۱مه) وشي او دا ګام له دې کبله پورته کېږي، چې فنلنډ د ګازو د پيرلو په بدل کې پيسې په روسي روبل نه ورکوي.
فنلنډ که څه هم د نورو اروپايي هېوادونو په څېر له روسيې ګاز پيري؛ خو د روسيې له لوري فنلنډ ته د ګازو صادرات د اروپا نورو هېوادونو په پرتله په ټيټه اندازه دی.
دا مهال فنلنډ د خپلې اړتيا وړ يوازې ۵ سنله ګاز له روسيې پيري. د روسيې ولسمشر ولاديمير پوتين موده وړاندې په ناټو کې د فنلنډ غړيتوب په تړاو دې هېواد ته خبرداری ورکړی، چې دغه کار به ورته ګران پرېوځي.
