رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو عمومي اسملۍ پرون چهارشنبه ناوخته د (کب په ۱۱مه) هغه پرېکړهليک تصويب کړ چې پر بنسټ يې پر اوکراين د روسيې بريدن غندنه شوې او ژر له اوکراين څخه د روسي ځواکونو د ايستلو غوښتنه په کې شوې ده.
د عمومي اسمبلۍ په غونډه کې د ۱۹۳ هېوادونو له ډلې د افغانستان په شمول ۱۴۱ هېوادونو دې پرېکړهليک ته د تائيد رايه ورکړې، د پاکستان او چين په شمول ۳۵ هېوادونو سپينې رايې کارولي او ۵ هېوادونو بيا عمومي اسمبلۍ ته پر اوکراين د روسيې د بريد خلاف وړاندې شوي پرېکړهليک ته د رد رايې ورکړي دي.
دا غونډه د ملګرو ملتونو د امنيت شورا له لوري په اوکراين کې روان جګړهييزو وضعيت ته پام سره رابلل شوې وه.
د ملګرو ملتونو عمومي اسمبلي داسې مهال نوموړی پرېکړهليک تصويبوي چې پر اوکراين د روسيې ځواکونو بريد لا هم دوام لري او په ترڅ کې يې زرګونه کسانو ته مرګ ژوبله اوښتې ده.
