رویداد خبري آژانس په افغانستان کې لومړنۍ دیجټلي خبري آژانس
د افغانستان د صنایعو او کانونو خونې سرپرست رییس، محمد رفیع عظیمي، په کابل کې د ایران له سفیر علي رضا بیکدلي سره د دواړو هېوادونو ترمنځ د اقتصادي او سوداګریزو اړیکو د پراختیا په اړه خبرې کړې دي.
په دې لیدنه کې د افغانستان د صنایعو او کانونو خونې مسوولینو د دواړو هېوادونو د ګډو اقتصادي ظرفیتونو او فرصتونو پر اغېزمنې ګټې اخیستنې ټینګار کړی او ایراني لوري ته یې د افغانستان د صنعت او کانونو د پنځم ملي او نړیوال نندارتون کې د ګډون بلنه ورکړې ده.
بلخوا، د ایران سفیر ویلي چې د دغه هېواد خصوصي سکتور چمتو دی، څو خپلې تجربې، تخصص او نوې ټکنالوژي د افغانستان له پانګوالو او خصوصي سکتور سره شریکه کړي. نوموړي همداراز ډاډ څرګند کړی چې ایراني شرکتونه به په یاد نندارتون کې فعال ګډون وکړي.
