خبرگزاری رویداد اولین خبرگزاری دیجیتلی در افغانستان
وزارت امور خارجه‌ی پاکستان، در واکنش به اظهارات معاون وزارت داخله‌ی ا.ا گفته است که این کشور با تحریک ت‌البان پاکستانی، گفت‌وگو نخواهد کرد.
محمد نبی عمری، معاون اول وزارت امور داخله ا.ا، گفته است که حکومت پاکستان برای پایان ناامنی‌ها در این کشور، با تی‌تی‌پی گفت‌وگو کند.
اما ممتاز زهرا بلوچ، سخنگوی وزارت امور خارجه‌ی پاکستان، در یک نشست خبری گفته است که حکومت این کشور، هیچ برنامه‌ای برای گفت‌وگو با تی‌تی‌پی ندارد.
او یک‌بار دیگر از مقام‌های ا.ا خواسته است که علیه این گروه، اقدام کنند.
پاکستان بارها ادعا کرده است که حمله‌های تی‌تی‌پی بالای نیروهای این کشور، از خاک افغانستان برنامه‌ریزی می‌شود.
اما تی‌تی‌پی و مقام های ا.ا این ادعاها را رد کرده و گفته‌اند که این گروه حمله‌هایش را از خاک پاکستان برنامه‌ریزی می‌کند.
