رویداد خبري آژانس په افغانستان کې لومړنۍ دیجټلي خبري آژانس
د اسلامي امارت چارواکي وايي، د پاکستان بهرنيو چار وزير شاه محمود قرېشي نن د يوه پاکستاني پلاوي په مشرۍ کابل راغلی او ټاکل شوې چې د حکومت له ګڼو چارواکو سره به وګوري.
د اسلامي امارت د فرهنګي چارو کمېسيون غړي احمدالله وثيق له رويداد خبري اژانس سره په دې اړه خبرو کې وويل، د اجنډا له مخې به کابل ته د شاه محمود قرېشي د سفر په ترڅ کې د دواړو هېوادونو ترمنځ پر دوه اړخيزو اړيکو او همکاريو چې سوداګري او امنيتي مسايل په کې شامل دي، خبرې وشي.
وثيق دغه راز زياته کړې چې د نوموړي د سفر په اجنډا کې يو مهم بحث د افغانستان حکومت په رسميت پېژندلو ته ځانګړی شوی، چې د پاکستان له پلاوي سره به پرې مفصلې خبرې کېږي.
د پاکستان بهرنيو چارو وزير شاه محمود قرېشي داسې مهال کابل راځي چې له دې وړاندې د دغه هېواد لومړي وزير عمران خان په مکرره توګه له نړيوالو غوښتي څو له طالبانو سره کار کولو ته مخه کړي.
