رویداد خبري آژانس په افغانستان کې لومړنۍ دیجټلي خبري آژانس
نن (د لړم ۱۹ مه) د افغانستان دفاع وزارت چارواکي په یوه اعلامیه کې ویلي چې تیره شپه د بلخ ولایت د بلخ په ولسوالۍ کې د امنیتي ځواکونو او طالبانو ترمنځ نښته رامنځته شوې.
امنیتي چارواکي وايي یاده نښته د (بابه یوسف) په کلي کې رامنځته شوې چې ۵ طالبان وژل شوي او ۳ نور ټپیان دي.
چارواکي دا هم ویلي چې په همدې ولایت کې د وسلوالو یو کړی ځای پرځای شوی ماین دشورتپی ولسوالۍ د «جوی وکیل» د کلی څخه کشف او شڼد شوی دی.
وسلوالو طالبانو تر دې دمه د دې نښتې په اړه څه نه دي ویلي.
