رویداد خبري آژانس په افغانستان کې لومړنۍ دیجټلي خبري آژانس
د نیمروز د سوداګرۍ او پانګونې خونې مسوولین وایي، د ورېښمو پله له لارې د صادراتو کچه د تېرو دوو میاشتو په پرتله ۵۰ سلنه زیاته شوې ده.
د دوی په خبره، مېوې، سابه، حبوبات او وچې مېوې د دغه ولایت مهم صادراتي توکي دي، چې ایران، عراق، ترکیې او متحده عربي اماراتو ته صادرېږي.
سوداګر د صادراتو د لا زیاتوالي او پراختیا په موخه غوښتنه کوي، چې د ورېښمو پله او میلک بندرونو د پولې دواړو غاړو ته د توکو د سکن کولو دستګاوې نصب شي.
بلخوا، د نیمروز ولایت مسوولین ډاډ څرګندوي چې د اړوندو ادارو په همکارۍ به د سوداګریزو توکو د لېږد بهیر لا اسانه او چټک کړي.
