رویداد خبري آژانس په افغانستان کې لومړنۍ دیجټلي خبري آژانس
د افغانستان د سوداګرۍ او پانګونې خونې رییس سید کریم هاشمي په کابل کې د ترکمنستان له سفیر خواجه عوضاوف سره په لیدنه کې د دواړو هېوادونو ترمنځ د سوداګرۍ او اقتصادي همکاریو پر پراختیا خبرې کړې دي.
په دې لیدنه کې د خصوصي سکټورونو ترمنځ د اړیکو پیاوړتیا، د سوداګرو لپاره د اسانتیاوو رامنځته کول او د ګډو اقتصادي ظرفیتونو د اغېزمنې استفادې موضوعات هم مطرح شوي دي.
د سوداګرۍ او پانګونې خونې د خبرپاڼې له مخې، د ترکمنستان سفیر د دواړو هېوادونو ترمنځ د اقتصادي اړیکو پر پراختیا ټینګار کړی او د دغې خونې رییس یې په ترکمنستان کې د جوړېدونکو دوو اقتصادي ناستو، چې یوه یې د «ترکمنستان د پانګونې فورم» ده، د ګډون لپاره بللی دی.
بل لور ته، هاشمي له ترکمنستاني چارواکو، سوداګرو او پانګوالو غوښتي چې د تلې په ۱۵مه په کابل کې جوړېدونکي «امام ابوحنیفه» نندارتون کې ګډون وکړي، څو خپل تولیدات او اقتصادي ظرفیتونه معرفي کړي او له افغان تولیداتو سره هم بلدتیا پیدا کړي.
