رویداد خبري آژانس په افغانستان کې لومړنۍ دیجټلي خبري آژانس
د سولې خبرو لپاره وسله والو طالبانو پرون ماښام خپل مذاکراتي پلاوی اعلان کړل.
د طالبانو پلاوی یو ویشت غړي لري چې مشري به یې مولوي عبدالحکیم کوي.شیر محمد عباس ستانکزی د دغه پلاوي مرستیال او محمد نعیم وردګ د سیاسي دفتر ویاند په توګه غوره شوی.
بل لور ته د ملابرادر په مشرۍ د طالبانو پلاوی له پاکستان بېرته قطر ته ستون شوی.
دغه پلاوي شاوخوا لس ورځې په پاکستان کې تېري کړې، چې له دوه غړو پرته نور ټول یې دوحې ته رسېدلي دي.
باور کېږي، چې طالبانو په کویټه کې له خپلو مشرانو سره مهمې پرېکړې کړي چې څنګه کېدای شي د سولې پروسې په اړه تصمیم ونیسي.
